Ֆրանչիսկոս Պապին 1 եւ 2 Յունուարի թուիթները` Շնորհաւոր խաղաղ նոր տարի։։

(Ռատիօ Վատիկան) 2017 առաջին օրը` կիրակի 1 յունուարին, որ է նաեւ Աստուածամօր տօնը ըստ լատինաց, Ֆրանչիսկոս Սրբազան Քահանայապետը հրապարակեց թուիթ մը որուն մէջ հրաւիրեց Սուրբ Կոյս Մարիամի հովանիին յանձնել նոր տարին։

''Սուրբ Կոյս Մարիամին` Աստուածամօր յանձնենք նոր տարին, որպէսզի համայն աշխարհին մէջ զարգանայ խաղաղութիւնն ու ողորմութիւնը'' գրեց Սրբազան Քահանայապետը։

Իսկ երկուշաբթի յունուար 2017-ին հրապարակած թուիթին մէջ Ֆրանչիկսոս Պապ բարեմաղթութիւններ փոխանցեց աշխարհի համայն ժողովուրդներուն։

''Այս տարուայ սեմին իմ խաղաղութեան անկեղծ բարեմաղթութիւններս կը փոխանցեմ աշխարհի բոլոր երկիրներուն եւ ժողովուրդներուն'' գրեց Նորին Սրբութիւնը։